Müğənni Rəqsanə ilə aparıcı Xoşqədəm Hidayətqızının sözü çəpləşib”.

Rəqsanə aparıcının “Moskvada yarım saatlıq toya gedən müğənnilərlə aran necədir” sualını belə cavablandırıb: “Heç kəslə pis münasibətim yoxdur, hamısı gəlib ruzisini, çörəyini qazanıb gedir”.

Həmin verilişdə iştirak edən aparıcı Xoşqədəm Hidayətqızı isə “Hanı, qoydun ki qazansınlar, Moskvaya gedənlərin dalınca dedin, özünüzü yığışdırın, yoxsa ad çəkəcəm”, – deyə qarşı tərəfə atmaca atıb.

Onun bu sözləri Rəqsanəni özündən çıxarıb: “Düz deyirəm də, həyat yoldaşın ola-ola o hərəkəti etməməlisən. Ərli qadın səhv etməməlidir. Ərini istəmirsən, boşan. Buna görə dedim, özünüzü yığışdırın, o kişiyə hörmət qoyub, adını açıqlamıram, yoxsa adını deyərəm.

Musiqiçilərin hamısı bilir, onun əri də var, sevgilisi də. Ya ərin olsun, ya da sevgilin, o yazıq kişinin adını niyə batırırsan? Mən o kişidə günah da görmürəm, nə xəbəri var, fikirləşir ki, həyat yoldaşım müğənnidir, toya gedib. Bilmir axı toyda hansı hərəkətləri edir. Özüm öz gözümlə görmüşəm”. (yenicag.az)