Son zamanlar bəzi tanınmış simaların şəxsi həyatı sosial şəbəkələrdə ciddi şəkildə müzakirə olunur. Ayrılıq xəbərləri yayılsa da, bu iddialar nə təsdiq, nə də təkzib edilir. İzləyicilərdə isə suallar yaranır: “Boşanıblar, ya yox?”.

Bizim.Media bu mövzu ilə bağlı araşdırma aparıb və ayrılıb-ayrılmadığı dəqiq bilinməyən məşhurları bir araya gətirib.

Rəqsanə İsmayılova və həyat yoldaşı Fəzail bəy


Tanınmış müğənni Rəqsanə İsmayılova son zamanlar sosial şəbəkədə etdiyi paylaşımlarla izləyicilərin diqqətini çəkib. Canlı yayımlarda və statuslarında səsləndirdiyi bəzi fikirlər onun həyat yoldaşı Fəzail bəydən ayrıldığı iddialarını gündəmə gətirib. Lakin Rəqsanə bu məsələ ilə bağlı nə təsdiq, nə də inkaredici açıqlama verib.

Kamil və Gülay Zeynallı cütlüyü


Müğənni Gülay Zeynallı və tanınmış idmançı Kamil Zeynallı barədə də ayrılıq iddiaları səsləndirilir. Hər zaman birlikdə görünən və məşhurlar arasında nümunəvi cütlük hesab edilən ikili şəxsi həyatları barədə heç vaxt açıqlama verməyiblər. Onların da münasibətlərində çatlar olduğu deyilsə də, bu barədə də özlərindən açıqlama yoxdur.

Xatirə İslam və Fəxrəddin Musazadə


Müğənni Xatirə İslam da son zamanlar həyat yoldaşı Fəxrəddin Musazadə ilə bağlı paylaşım etməməsi ilə diqqət çəkir. Bu “sükut” sosial şəbəkə istifadəçiləri arasında boşanma ehtimalını gündəmə gətirib. Lakin müğənni bu barədə hər hansı açıqlama verməyib və iddialar hələlik təsdiqlənməyib.

Ülviyyə Xəlilbəyli və Murad İsmayıl


Tanınmış aktrisa Ülviyyə Xəlilbəyli ilə aktyor Murad İsmayıl da zaman-zaman ayrılıqları ilə gündəmə gəliblər. Cütlüyün barışdığı deyilsə də, bu münasibətin nə qədər davamlı olduğu bəlli deyil. Sonuncu dəfə birlikdə bir serialda rol alıblar, lakin şəxsi münasibətlərinə dair heç bir açıqlama verməyiblər.

Bu məşhurların şəxsi həyatları ilə bağlı yayılan məlumatlar hələlik sosial şəbəkə iddialarından ibarətdir. Hər biri ictimaiyyətə açıq sahədə fəaliyyət göstərsə də, özəl həyatları ilə bağlı susqunluqları diqqətdən yayınmır.