Milyonçu Riçard Sent Con Bill Qeyts, Opra Uinfri, Riçard Branson, Coan Roulinq də daxil olmaqla 500-dən çox uğurlu insandan müsahibə alıb. Yüzlərlə digər tərcümeyi-halı və memuarları təhlil etdikdən sonra o, "Böyük Səkkizlik" kitabını yazıb. Onun sözlərinə görə, bütün uğurlu insanları bir çox ortaq xüsusiyyətlər birləşdirir.

Müəllifin bu barədə fikirlərini təqdim edir:

Uğurlu insanlar məqsədin arxasınca gedirlər

Bütün uğurlu insanlar ehtiraslarının arxasınca gedib məqsədlərinə doğru yaxınlaşmağa çalışırlar. Onlar yalnız sevdikləri və onları ruhlandıran işlərlə məşğul olurlar. Məsələn, məşhur aktyor Rassel Krou hesab edir ki, ən yaxşı aktyor nominasiyasında Oskar qazanmasının bircə səbəbi var: "Mən sadəcə aktyorluğu sevirəm. İçimdəki boşluğu doldurur. Ehtirasla bağlıyam. Mən hekayələr danışmağı sevirəm və bu, mənim həyatımın mənasıdır".

Məşhur ixtiraçı Tomas Edison da oxşar fikirdə idi: "Həyatımda bir gün belə işləmədim. Mən sadəcə işdən həzz aldım" .

Uğurlu insanlar çox çalışırlar

8 saatlıq iş həftəsi haqqında nağılları və müxtəlif biznes məşqçilərinin işlətdiyi digər cəfəngiyatları unudun. Çətin iş böyük ekvalayzerdir. Və uğur qazanmaq üçün çox çalışmalısan. Məsələn, məşhur teleaparıcı Opra Uinfrinin sözlərinə görə, o, səhər saat 5:30-dan çəkiliş meydançasına gəlir: "Səhərdən ayaq üstəyəm. Bütün gün günəş işığı görmürəm, çünki çəkilişdən çəkilişə qaçıram. Əgər uğur qazanmaq istəyirsənsə, gündə 16 saat işləməlisən".

Uğurlu insanlar pulun dalınca qaçmırlar

Ən məşhur insanlar heç vaxt pul arxasınca qaçmayıblar, sadəcə ən çox sevdikləri işlə məşğul olublar. Məsələn, Bill Qeyts deyirdi: "Microsoftu yaradanda düşünmürdük ki, böyük pullar qazana bilərik. Proqram təminatının yaradılması prosesi xoşumuza gəlirdi. Heç kəsin ağlına gəlməzdi ki, bütün bunlar nəhəng korporasiya ilə nəticələnəcək".

Uğurlu insanlar özlərinə qalib gələ bilirlər

Menecmentin "atası" Peter Druker həmişə deyirdi ki, özünüzü hərəkətə keçməyə məcbur etmək uğurun açarıdır. "Bütün uğurunuz istedaddan deyil, son nəticədə rahatlıq zonanızdan necə çıxmaq bacarığınızdan asılıdır", - Peter vurğulayıb.

Riçard Branson isə bunu belə ifadə edib: "Mən həmişə imkanlar hüdudunda işləyirəm. Və bu, mənə çox tez böyüməyə kömək edir".

Uğurlu insanlar kreativdirlər

Hamıya tanış olan "məhsullar" ideyalardan yaranır. Uğurlu olmaq istəyirsinizsə, yaradıcı olmağı öyrənməlisiniz. Ted Turner göstərdi ki, günün hər saatında xəbər yayımı edilə bilər və bunu edən ilk insan oldu. O, 7/24 yayımlanan CNN24 kanalını açdı. Bu ideya sayəsində Ted multimilyonçu və media maqnatı oldu.

Uğurlu insanlar şübhələrin öhdəsindən gələ bilir

Kifayət qədər yaxşı, uğurlu və istedadlı olduğumuza dair şübhələr bəzilərinə əzab verir. Ancaq müvəffəqiyyətli olmaq istəyirsinizsə, şübhələrinizi başqa yerə itələməlisiniz. Aktrisa Nikol Kidman da bu fikirdədir: "Mənə həmişə elə gəlir ki, çox pis oynayıram. Biz film çəkməyə başlayanda hər iki həftədən bir rolu məndən daha yaxşı bacaran aktrisaların siyahısını əlimə alıb rejissorun yanına gedirəm. Amma sonra sakitləşirəm".

Odur ki, ya sən şübhələrə qalib gəlirsən, ya da onlar sənə. Hər şey sadədir.

Uğurlu insanlar diqqətlərini cəmləyə bilirlər

İndi çoxu diqqət çatışmazlığı pozğunluğundan danışır və guya bu, insanların inkişaf etməsinə mane olur. Əlbəttə ki, diqqət defisiti ilə hiperaktivlik sindromu mövcuddur. Lakin çoxları bu sindromu motivasiyanın olmaması və tənbəlliklə səhv salır. Əgər insan böyük tutqu ilə bağlandığı bir məşğuliyyət tapıbsa, o zaman bütün diqqətini ona yönəldə bilər. Tanınmış kinorejissor Norman Cuison deyirdi ki, "Məncə, həyatda hər şey bir işə diqqət yetirmək və özünü ona həsr etmək bacarığından asılıdır".

Ehtirasınızı tapın, ona köklənin və və xoşbəxt olun.

Müvəffəqiyyətli insanlar gərgin rejimdə də işləyə bilərlər.

İşini sevən insanlar ən gərgin rejimdə də yükün altından çıxa bilir. Məsələn, Coan Roulinq "Harri Potter"i kiçik qızı qucağında olanda yazıb: "Mən onunla küçədə gəzirdim. O, yuxuya gedəndə güllə kimi qaçıb yaxınlıqdakı bir kafedə oturur və o, oyanana qədər bacardığım qədər yazırdım".

Uğurlu insanlar istirahət etmirlər

Heç düşünmüsünüzmü ki, zənginlər niyə pensiyaya çıxmırlar? Uorren Baffet bunu belə izah edir: "Mən işləməyi sevirəm. Cümə gələndə çoxu kimi sevinc duymuram. Bilirəm ki, həftəsonları da işləyəcəm".

Məşhur aktyor və prodüser Uorren Bitinin qənaətincə uğur gedən yol əziyyət keçir: "Əsl peşəkarlar nə etdiklərinin fərqində olmadan uğur qazanırlar: işləmək və ya ondan həzz almaq".

Uğurlu insanlar həmişə inkişaf etməyə çalışırlar

Uğurlu insanlar daim özlərini və məhsullarını necə təkmilləşdirə biləcəklərini düşünürlər. Məsələn, böyük ixtiraçı Tomas Edison deyirdi ki, daim hər hansı bir obyekti təkmilləşdirmək haqqında düşünür.

"Mən şadam ki, gəncliyimdə səkkiz saatlıq iş günü hələ icad edilməmişdi. Əgər həyatım belə uzunmüddətli iş günlərindən ibarət olsaydı, başladığım işlərin çoxunu çətin ki, başa çatdıra bilərdim". publika.az