Milli Qəhrəmanımız Polad Həşimovun anası Səmayə Həşimova növbəti dəfə iş adamı Mübariz Mənsimovla görüşüb.

Bu barədə Mənsimov özü paylaşım edib.

Fotolarda müğənni Mahsun Kırmızıgül də yer alıb:

“Səmayə ananın hər gəlişi mənim üçün sözlərlə ifadə edilə bilməyəcək qədər böyük bir sevincdir. Çünki onu ayaq üstə, gümrah və sağlam görmək ürəyimi sanki işıqla doldurur. Onun sağlığı mənim üçün ən önəmli şeydir. Amma Səmayə ana gözlərindəki kədəri gizlətməyə çalışsa da, onun ürəyindəki ağrını və içində yaşadığı hüznü hiss etməmək mümkün deyil. Mən onun hər baxışında, hər susqun anında o kədərin izlərini görür və hiss edirəm. Səmayə ana mərhum qardaşım Polad Həşimovun bizə buraxdığı müqəddəs bir əmanətdir. Bu əmanətə layiqincə sahib çıxmaq, ona olan hörmətimi göstərmək mənim üçün həm bir borc, həm də ən böyük şərəfdir. Anam xoş gəlib!”. / Olay.az