Aktyor Elməddin Cəfərov Fərda Xudaverdiyevlə küsülü olduqlarını açıqlayıb.

Sənətçi bu haqda "Qapqara" yutub layihəsində danışıb. O bildirib ki, Fərda eyni zamanda həmkarı Müşviq Şahverdiyevlə də danışmır. Buna səbəb isə onların "Qara-qura" layihəsi olub. 

Belə ki, Elməddin sözügedən layihədə Fərdanın da  yer almasının planlaşdırıldığını açıqlayıb:

"Fərda ilə bir işləyəcəkdik. Bu üçlüyə görə layihəmi bağladım və gəldim. Son anda Fərda getdi başqa yerə. Bizim gördüyümüz iş dayandı. Sonra bağışlayırsan. Amma eşidirsən ki, Fərda deyir Elməddin "torbamı tikib". Üzüldüm. Mən səni xilas etmək üçün dağa dırmaşıram. Sən isə deyirsən sərin hava istəyirdi deyə dırmaşdı. Təşəkkür etmə, amma belə danışma". / Axşam.az