Emin Əmrullayevin zəlzələ ilə bağlı paylaşımı tənqid edildi

Emin Əmrullayevin zəlzələ ilə bağlı paylaşımı tənqid edildi - FOTO

04 İyul 2023

617

Elm və Təhsil Naziri Emin Əmrullayevin "facebook" paylaşımı birmənalı qarşılanmayıb.
showmedia.azxəbər verir ki, nazir Azərbaycanda olan güclü zəlzələdən bir neçə dəqiqə sonra paylaşım edib.
O yazıb: "Neftçi" İsraildə çempion oldu, Bakıda isə zəlzələ oldu...
Niderland, Macarıstan, Litva, İsrail və Çin komandalarına qalib gəlmələri münasibətilə komanda üzvlərini təbrik edirəm".

Sosial şəbəkə istifadəçiləri "Neftçi"nin qələbəsi ilə zəlzələnin nə əlaqəsi olduğunu anlamadıqlarını deyib.
"İslahatçı Gənclər" İctimai Birliyinin sədri Fərid Şahbazlı bu paylaşım haqda yazıb:
"İndi bu nə deməkdir? Hansı anlama gəlir? "Neftçi"nin İsraildə çempionluğu ilə Bakıdakı zəlzələ arasında hansı yumor bağlılığı, bənzərlik var?Ümumiyyətlə, insanların qorxudan küçələrə axışması, narahat hisslər keçirməsi üzərindən belə zarafatın, bənzətmənin nə yeri var?
Təhsilimizi də belə lağ-lağı idarəçiliklə bu vəziyyətə gətirdilər...".

Mətbuat Şurası İdarə Heyətinin üzvü Aqil Ələsgər də nazirin paylaşmasına sərt reaksiya verib:
"Heç şübhəsiz, Emin Əmrullayev insanımız üçün motivasiya qaynağıdır. Xalq olaraq, nazir vəzifəsinə həmişə əlçatmaz baxdığımızdan belə təfəkkürlü şəxsin bu yüksəlişi hamıda "mən də nazir ola bilərəm” ümidini oyadıb. Bakı əhlinin binalarda yaşayanlarının çoxu hələ də ya həyətdədir ya da maşınında mürgüləyir. Gələcəyimizi əmanət etdiyimiz nazirliyin birinci şəxsi isə bu məsələyə "prikol” bucağından yanaşır.
Qocaman müəllimlərdə səhv tutmağı ilə öyünən cənab Əmrullayev Hollandiyanın Niderlandın 12 inzibati bölgəsindən ikisinin adının (Cənubi və Şimali Hollandiya) olduğundan və Hollandiya adlı bir dövlətin olmadığından xəbərsizdir.
Qısacası, hansısa X nazir adına parodik səhifə açmaq istəyənlər Əmrullayevin Feysbuk səhifəsindən qaynaq kimi istifadə edə bilərlər…
Uduzan, məhv olan isə Azərbaycan təhsili və gəncliyidir…".

Emin Əmrullayev həmin paylaşımını 5 dəfə redakte edib.

Qeyd edək ki, Emin Əmrullayev həmçinin Azərbaycan Basketbol Federasiyasının prezidentidir. Onun "Neftçi"nin qələbəsini bu səbəbdən paylaşdığı bəllidir, ancaq bu qələbənin zəlzələ ilə nə əlaqəsi olduğu anlaşılmaz qalıb.

azxeber.com
Gülay