Ebru Gündəşi toya gətirən iş adamı Bakıdakı məşhur ticarət mərkəzinin SAHİBİ İMİŞ - FOTO

Xəbər verdiyimiz kimi məşhur türkiyəli müğənni Ebru Gündeş Azərbaycana gəlib. Şəmkirdə sünnət mərasiminə dəvət alan müğənni səhnədə canlı orkestr ilə çıxış edib, hit mahnılarını səsləndirib. Toyda Ebru Gündeşdən başqa yerli sənətçilər də iştirak ediblər. Amma onların iştirakı Ebrununki qədər rezonans doğurmayıb.

Showmedia.az xəbər verir ki, Demokrat.az oğlunun kiçik toyuna türkiyəli müğənnini dəvət edən şəmkirli iş adamı Aydın Musayev haqqında bəzi məlumatlar əldə edib. 

Məlum olub ki, o, Bakıdakı "Metropark” ticarət mərkəzinin sahibidir.  

A.Musayevin bundan başqa bir çox ticarət obyektləri də var. Həmçinin, Moskvada meyvə ticarəti ilə məşğuldur. Necə deyərlər, "varlığa nə darlıq”…