Bakıda qadın sərxoş olub kirayə qaldığı evdə kişi ilə yatağa girdi, əri isə… – inanılmaz təfərrüat

Bakının Binəqədi rayonunda 1979-cu il təvəllüdlü Pərviz kirayə yaşadığı evin sahibi Səlimə (adlar şərti verilib – red.) xəsarət yetirib.

Hadisə Binəqədi rayonu, Xocəsən qəsəbəsi, Sulutəpə yaşayış masivində kirayə yaşadığı evdə baş verib.

Pərviz orada qeyri rəsmi ər-arvad kimi yaşadığı Səidəni Səlimin evində sərxoş və çılpaq vəziyyətdə yatan görüb. Onların arasında yaranmış mübahisə zamanı mətbəxdən götürdüyü bıçaqla Səlimin qarın nahiyəsindən bir zərbə endirib.

Hadisəni törədən Pərvizin barəsində Cinayət Məcəlləsinin 126.1-ci (qəsdən sağlamlığa ağır zərərvurma) maddəsi ilə ittiham elan edilib.

“Narahat etmək istəmədim”

Cinayət işi üzrə təqsirləndirilən şəxs qismində ifadə verən Pərviz ittiham üzrə özünü təqsirli bilməyib. O bildirib ki, Səidə ilə qeyri rəsmi olaraq 6-7 ildir ər-arvad münasibətində yaşayırlar:

“Səidə ilə birlikdə hadisədən təxminən 8 ay əvvəl Xocasən qəsəbəsi Sulutəpə yaşayış massivində kirayədə qalırdıq. Hadisə günü saat 16 radələrində evə qayıtdım və gördüm ki, darvaza içəridən bağlıdır. Həyətə daxil ola bilmədiyimə görə qapını döyməyə başladım. Amma qapını açan olmadı.

Fikirləşdim ki, Səidə gecə növbədə işlədiyinə görə yorulub və yatır. Buna görə onu narahat etmək, telefonla zəng vurmaq istəmədim. Qapını isə döyməyə davam etdim”.

“Çəkələklərdən şübhələndim”

Təqsirləndirilən şəxs qeyd edib ki, təxminən 20 dəqiqədən sonra qapını evin sahibi Səlim yarıyuxulu vəziyyətdə açıb: “Həyətə daxil olanda Səlimə qapını bağladığına görə narazılığımı bildirdim. O da dedi ki, açarın birini çıxararaq mənə verəcək.

Yaşadığım evə girəndə Səidənin orada olmadığını gördüm. Səlimdən soruşdum, dedi ki, rəfiqəsi ilə birlikdə harasa gedib. Səidənin ayaqqabıları evdə idi. Buna görə Səlimin dediklərinə şübhə ilə yanaşdım.

Səlim evinin ətrafında gəzişirdi. Onun əlində mənə məxsus çəkələkləri gördüm. Həmin çəkələyləri kənara qoydu ki, görməyim. Ehtimal etdim ki, Səidə çəkələklərimi geyinib və Səlimin evinə gedib. Səlim evinə daxil olanda, mən də onun arxası ilə getdim”.

“Başa düşdüm ki, cinsi əlaqədə olub”

Təqsirləndirilən şəxs deyib ki, Səlimin ona yalan danışmasını hiss edib və evin otaqlarını axtarmağa başlayıb: “Yataq otağına daxil olanda gördüm ki, Səidə çılpaq vəziyyətdə yatır. Bunu görən kimi başa düşdüm ki, Səidə Səlimlə cinsi əlaqədə olub. Çünki evdə tək idilər.

Mən Səidəni oyadanda Səlim dedi ki, oyatma, yorğundu, yatıb. Mən də bildirdim ki, yorğundusa, öz evlərində yatsın, niyə burda yatır…

Əsəbi halda mətbəxdən bıçağı götürdüm və Səlimin qarın nahiyəsinə dirədim. Səlimin qarnı çox yekə olduğundan, bıçaq istəyimdən asılı olmayaraq onun qarınını cızdı. Bundan sonra evdən uzaqlaşdım. Polisə təslim olmaq istəsəm də, fikrimdən daşındım.

Sonradan polis əməkdaşları məni bölməyə apardılar. Mənim Səlimə ağır xəsarət yetirmək niyyətim olmayıb. Onu qorxutmaq istəmişəm”.

“Arvadımı soruşdu”

Cinayət işi üzrə ibtidai istintaq zamanı zərərçəkmiş qismində ifadə verən Səlimin sözlərinə görə, evinin həyətində iki otaqlı ev tikib, kirayə verib: “Pərviz və Səidə hadisədən 8 ay əvvəl həyətimdə olan evdə kirayə yaşayıblar. Hadisə günü saat 16 radələrində evdə tək olan zaman Səidə gəldi və məndən arvadımı soruşdu. Arvadımın evdə olmadığını dedim.

Səidə evə daxil olaraq, qonaq otağına keçdi. Güman etdim ki, arvadımı gözləyir. Özüm isə digər otağa keçdim və şəxsi işlərimlə məşğul oldum.

Pərviz Səbinənin evin qonaq otağında əyləşdiyini gördü və əsəbi halda məni bıçaqla vurdu”.

“Onu görə bilmədim”

Məhkəmə araşdırması zamanı məlum olur ki, zərərçəkmiş Pərviz vəfat edib. Buna görə də onun həyat yoldaşı Səmayə ibtidai istintaq zamanı şahid qismində dindirilsə də, məhkəmədə o, hüquqi varisi qismində ifadə verib.

Səmayənin ifadəsinə görə, Pərvizlə 2005-ci ildə evlənib və onların 14 yaşlı bir oğulları var:

“Pərviz özü şirkətdə işləyirdi. Yaşadığımız ev həyət evidir. Əlavə qazanc əldə etmək məqsədi ilə evimizi Pərviz və Səidəyə kirayə vermişik. Hadisə günü oğlumla birlikdə qardaşımgilə qonaq getdik. Bir qədər sonra Səlim zəng edərək həyətimizdə kirayədə qalan Pərvizin onu bıçaqla vurduğunu dedi. Mən xəstəxanaya getsəm də, Səlimin vəziyyəti ağır olduğu üçün onu görə bilmədim”.

Səmayə qeyd edib ki, sonradan Səlim ev şəraitinə buraxılıb və evdə müalicə almağa başlayıb:

“Səlim evdə rəhmətə getdi. Mən hadisənin hansı səbəbdən törənməsini dəqiq bilməmişım. Sonradan guya ərimlə Səidənin münasibətlərinin olduğunu öyrənmişəm”.

“Beynim dumanlandı”

İş üzrə şahid qismində ifadə verən Səidənin sözlərinə görə, Pərvizlə təxminən 7-8 ildir qeyri-rəsmi ər-ravad münasibətində yayayıb: “Aramızda nikah olmayıb, övladımız da yoxdur. Mən özüm Sulutəpə yaşayış massivində yerləşən çörək sexində işləyirəm. Pərviz də “Meyvəli bazar”da fəhlə işləyib.

Təxminən hadisədən 8 ay əvvəl Pərvizlə birlikdə Sulutəpə yaşayış massivində kirayədə yaşamağa başladıq. Hadisə günü kirayə qaldığım evdə olarkən istədim ki, özümlə alıb gətirdiyim kababa Səlimi qonaq edim. Buna görə də onun payını ayırdım və yanına getdim.

Səlimin evinə daxil olanda onun yemək yeyib, araq içdini gördüm. Məni masaya dəvət etdi, araq süzdü, mən də icdim. Birlikdə bir qədər araq içəndən sonra sərxoş oldum.

Səlim mənə təklif etdi ki, birlikdə yataq otağına keçək. Sərxoş olduğumdan beynim dumanlandı. Həmin vaxtı başım fırlandı və sonra nə baş verdiyini xatırlamıram”.

“Məni lüt soyundurduğunu heç kim bilməsin”

Səidə qeyd edib ki, saat 16 radələrində qışqırıq səsindən ayılıb: “Kimsə qışqıraraq məni silkələdi. Yuxudan oyananda gördüm ki, çılpaq vəziyyətdə Səlimin yataq otağında uzanmışam. Pərviz isə başımın üstündə əsəbi halda duraraq qışqırır. Hərəkətimə görə utandım. Tez geyindim və öz evimə getdim. Pərviz isə Səlimin evində qalaraq mübahisəyə davam etdi. Səlimə “utanmırsan, ağsaqqal kişisən, yaşından utan” sözlərini dedi.

Təxminən 5-10 dəqiqə sonra Pərviz öz evimizə gəldi. Mənə utandırıcı sözləri dedi və getdi.

Təxminən 5 dəqiqə sonra Səlim mənim otağıma daxil olaraq əli ilə qarın nahiyəsini tutdu. Onun qarnından qan gəlirdi. “Pərviz məni bıçaqla vurdu, təcili tibbi yardım həkimləri indi gələçək, burda qal, mənə kömək elə” dedi. Bunu deyəndə etiraz etmədim. Onunla evdə qaldım.

Həkimlər gələndə Səlim bildirdi ki, yıxılıb və qarnına dəmir batıb. Mən elə başa düşdüm ki, Səlim həkimlərdən bu hadisəni gizlətmək istədi. Buna səbəb o idi ki, Səlimin məni lüt soyundurduğunu heç kim bilməsin.

Sonra mənə məlum oldu ki, Pərviz polis əməkdaşları tərəfindən tutulub”.

Bu cinayət işinə Bakı Ağır Cinayətlər Məhkəməsində baxılıb. Məhkəmənin hökmü ilə Pərviz 5 il müddətinə azadlıqdan məhrum edilib. / Teleqraf.com