Uqandanın Mukono bölgəsində Hacı Habib Nsikonnene adlı iş adamı eyni gündə 7 qadınla evləndib.

İş adamı evində yüzlərlə insanın iştirak etdiyi toydan əvvəl 7 arvadı ilə nikah andı verərək yerli sakinlərin diqqətini çəkib. 

Tarixi toy hadisəsində nikah masasına oturan qadınlardan ikisi isə bacı olub. Bəy xanımlarının hər biri üçün ayrıca gəlin maşını da gətirib.

Həbib həyat yoldaşlarının öz aralarında qısqanclıq etmədiklərini bildirib:

"Onları ayrı-ayrılıqda tanış etdim. Böyük, xoşbəxt ailə yaratmaq üçün hamısı ilə birdən ailə qurmaq qərarına gəldim. Hələ gəncəm, bunun son olduğunu deyə bilmərəm".

Qeyd edək ki, iş adamının babasının beş, atasının isə dörd həyat yoldaşı var. / axşam.az